2013年3月31日 星期日

高收益債券基金的黑天鵝





今日我要講下基金, 雖然小弟從事金融行業(唔係保險/股票經紀),但係對於近年的債券基金好擔心。今日會係唔同角度同大家分析下依家係市面熱賣的債券可能引起既危機。

高收益債券基金
係低利率既時代, 「好息」既人為左抗通漲,所以通過唔同既投資去改善收益。而近年出現債券基金突然跑出,大量散戶紛紛All in係所謂高收益債券到。根據香港投資基金公會(下稱「基金公會」)的數據顯示,2012年首11個月的基金總銷售額達514億美元,超越了2007年全年455億美元的歷史高位。2012年首11個月的總銷售額較2011年同期上升42%,淨額更升1.2倍。升幅主要來自債券基金。在首11個月,債券基金成為最受歡迎的類別,總銷售額達348億美元。

市面上大量既債券基金,吸引之處就係高利率同埋每月派息。無錯,係依家既市況下,一個5-8%既回報係非常吸引。而且最吸引係分分鍾賺價又賺息。


但係大家無留意一點,就係債券基金到底買左咩,同埋所謂風險指數係唔係真正反映基金既風險。依家市面上,主要可以分為兩類,分別係公債同公司債。以佔近三個月榜首的一個美國特別機會基金為例,主要是透過BB級或以下的美國或非美國的固定收入債務證券管理組合,以盡量擴大現時收入及資本增值相結合的最大的總回報為目標。 資產信貸評級比重為39.55% B/B級、33.35% CAA/CCC級、15.94% BA/BB級、10.89% CA/CC級及0.27% 未予評級。

BB經已係表示信譽欠佳,支付能力不穩定,有一定的風險。唔好話以下既grade。而且對於一般既散戶投資者泥講,禁底既Grading未必合適。以右圖為例,你到底有幾多公司係認識?我估連賣比你個人都唔識。再講,公司債不嬲都係風險大,債違約率高,無錯依家因為各國放水,令到銀行大量既錢,大家唔好忘記,早兩年金融海嘯仲係講緊cash crunch信貸緊縮。而金融海嘯係搞到今日仲未解決,如果唔係點解美國歐洲仲係禁放水!

理柏公司(Lipper)稱,2012年,美國投資級企業債券基金共募集到1,310億美元,高於2011年的750億美元。同時,高收益債券基金吸引到301億美元投資,比2011年高出一倍還多。

高收益債券中,在垃圾債券中處於中間位置、債務評級為BB級的債券,收益率由2012年年初的6%跌至年底的4.5%。同期,美國10年期國債息差由4%跌至2.7%。

投資者面臨的一部分風險是,債券價格與收益率之間的數學關系意味著這些債券不足以創造足夠高的收益,並將造成實質損失。

 公債危機

另一方面,禁你可能講,買國債加上有AAA評級無問題啦下?你唔可以忘記當年雷曼都係AAA評級同真實同風險係兩件事。細風險不等於無風險。

首先,依家仲係歐債危機,未爆唔等於唔會爆,以上圖為例。其中好多債券基金都會見到墨西哥既債券。墨西哥2010年發行的100年期國債。墨西哥國債收益率已從發行時的6.1%跌至4.5%。隨著價格提升,收益率下降。 在過去的100年,墨西哥曾經三度違約,2012年,墨西哥100年期債券的總回報率已達到19%。

再回講返其他發達國家,例如美國/日本。 以赤字佔GDP的比率, 日本早就超過200%, 是世界排名第一名, 日本已經連續20年政府開支龐大而經濟增長停滯,如果以債務佔GDP的比例衡量,日本政府已經成為比美國政府更嚴重的負債者。目前為止,對日元資產的主要需求仍主要來自日本人自身。日本之所以能舉借超過其經濟產出一倍多的債務,唯一的原因是,日本的家庭與企業儲蓄者樂於買入和持有日本政府擔保的日元證券。在日元債券幾乎零利率的情況下,日本儲蓄者依然不斷買入政府債券。最重要的原因是,日本政府債券的購買者確實有對正實際收益的預期,而這一預期的前提是,對日本物價持續下降的預期。那麼,當日本物價開始從通縮轉為通脹的時候,日本儲蓄者會如何做呢?在這種情況下,債券的實際價值會開始縮水。日本債券投資者會要求正實際收益,這將導致中長期利率上升。這時假如日本央行又通過提升利率來對抗通脹(這是它應該做的),短期債券的收益率也將上升。利率一升,日本資產負債表都會頂唔順!

而美國情況都係相似,首先不同洲,例如加洲負債高到你唔信!而且當史上超低的利率水平總有回升的一天,最新十年期國債孳息曾攀上2厘,表示左咩?即係美國QE禁唔住長債息率,假如美國真係經濟開始復甦,美國加息壓力愈泥愈大,最後一加息,美國債市都會頂唔順!

但係如果美國唔想債市爆,要點做?我係騙局中的騙局(2)-美元博奕一文講過,美國需要危機去引導外國既資金重新流入去美國!而個危機不外係日本/歐洲。而最近多左北韓!

總結

高盛證券對債券市場的泡沫發出警告,高盛已經削減了債券持倉。高盛在過去一年裡已經大幅削減了淨債券業務比重,以便在利率上升,債券價格下跌時將損失控 制在最小。同時還提高了自己公司的債券發行量,以便鎖定低利率。警告許多銀行與投資人並沒有對債券市場泡沫的突然破滅做好準備。

而我寫禁多野,唔係講債市真係非常危險,要即時沽,但係留意2014年,我講過2014年不論樓市,股市,而債市都係好危險,樓市經已開始起步,下一個到股市! 如果你手頭上有好多債券基金,可以問多D人意見,我亦唔介意你Send比我睇下(erictrade1031@gmail.com),其實4-5%利率,好多野工具都做到,洗咩禁博!








沒有留言:

張貼留言

注意:只有此網誌的成員可以留言。